Астанада «Жаңа Жібек жолы» II халықаралық көлік-логистикалық бизнес-форумы өтеді
АСТАНА. 4 қараша. ҚазАқпарат - Астанада «Жаңа Жібек жолы» II халықаралық көлік-логистикалық бизнес-форумы өтеді. Бұл туралы бүгін ҚР Президенті жанындағы Орталық коммуникациялар қызметінің ресми өкілі Алтай Әбибуллаев мәлім етті.
«Қазақстан тасымалдаушыларының «KAZLOGISTICS» одағы, ҚР Көлік және коммуникация министрлігі, «Қазақстан темір жолы» ұлттық компаниясы, басқа да бірқатар ірі халықаралық ұйымдар мен көлік компаниялары 7 қарашада Астанада «Жаңа Жібек жолы» II халықаралық көлік-логистикалық бизнес-форумын өткізеді», - деді ресми өкіл.
А.Әбибуллаевтың атап өтуінше, форумның мақсаты - көлік-логистикалық жүйені дамыту жөніндегі мемлекет тарапынан қабылданып жатқан шараларды және олардың нәтижелерін талқылау, Қазақстанды еуразиялық құрлықтағы халықаралық сауда-экономикалық қатынастардың негізгі қатысушы ретінде таныстыру.
