Атырауға Шотландия, Әзірбайжан және Ресейден мэрлер шақырылды
АТЫРАУ. 19 қыркүйек. ҚазАқпарат - Атырауға қазан айының басында аталып өтілетін қала күніне Қазақстан қалаларынан, сондай-ақ Шотландия, Әзірбайжан және Ресейден қонақтар шақырылды.
Облыстық әкімдіктен хабарланғандай, мерекеге көршілес Астраханнан, Магнитогорскіден және біздің елге тиесілі «Қазақстан геологы» шипажайы орналасқан Железноводскіден делегациялар келеді деп күтілуде. Шақырылғандар ішінде Атыраудың туыстас қалалары - шотландттық Абердин мен әзірбайжандық Ширванның мэрлері де бар.
