Ауа райының бұзылуына байланысты тағы екі облыста жол жабылды

АСТАНА. KAZINFORM – ҚазАвтоЖол екі облыста көлік қозғалысына шектеу қойылғанын хабарлады.

2026 жылғы 11 ақпан сағат 05:20–де ауа райының бұзылуына байланысты республикалық маңызы бар келесі автожолдарда көліктің барлық түрлері үшін қозғалысқа шектеу қойылады:

Ақмола облысы:

- «Астана – Қарағанды – Алматы» автожолының 30-92-шақырым аралығы (Жібек жолы төлем қабылдау пункті – Қарағанды облысының шекарасы).

Қарағанды облысы:

- «Астана – Қарағанды – Алматы» автожолының 92-164 шақырым аралығы (Ақмола облысының шекарасы – Теміртау төлем қабылдау пункті).

Жолды 2026 жылғы 11 ақпан сағат 09:00-де ашу жоспарланған.

«ҚазАвтоЖол» Ұлттық компаниясы 403 байланыс орталығына хабарласып, тәулік бойы қосымша ақпарат алуға болатынын ескертеді.

Еске сала кетейік, кеше екі облыста көлік қозғалысына шектеу қойылды.