Әуе компаниялары бүкіл әлем бойынша 13 мың рейсті қысқартып жатыр
АСТАНА. KAZINFORM – Мамыр айында әуе компаниялары бүкіл әлем бойынша 13 мың рейсті тоқтатты, бұл жаһандық әуе тасымалы сыйымдылығын шамамен 2%-ға төмендетті, деп хабарлайды The Guardian.
Авиация саласында маманданған Cirium аналитикалық компаниясының мәліметінше, Таяу Шығыстағы қақтығыс аясында әуе отыны бағасының күрт өсуіне байланысты осы айда ұшу кестесінен 2 млн орын алынып тасталды.
Бұл кішігірім ұшақтарды пайдалану және рейстерді толығымен тоқтату арқылы жасалды.
АҚШ пен Израильдің Иранға қарсы соғысы басталып, Ормуз бұғазы жабылғаннан кейін авиациялық отын бағасы екі еседен астам өсті. Рейстер санының ең көп төмендеуі Ыстанбұл мен Мюнхенде тіркелді, бұл ретте Turkish Airlines және неміс ұлттық тасымалдаушысы Lufthansa айтарлықтай қысқартулар жүргізді. Lufthansa ұшақ отынының қымбаттауына байланысты 20 мың рейсті тоқтатады.
Goldman Sachs талдаушылары Ұлыбританияның Еуропадағы авиациялық отынды ең ірі нетто-импорттаушы ретінде қордың аздығы, импортқа тәуелділігі және отандық авиациялық отынды өңдеу қуатының төмендеуіне байланысты ерекше осал екенін ескертті.
Осыған дейін Ормуз бұғазындағы жағдайға байланысты Еуропада авиациялық отын тапшылығы қаупі артып, жазғы туристік маусымға қауіп төнгенін жаздық.
