Аязда ашыққан сібір еліктері Көкшетау мен Атбасар көшелерін кезіп жүр
Ақмола облысында ашыққан сібір еліктері адасып, елдімекен көшелерінде жүр, деп хабарлайды Kazinform тілшісі.
Әлеуметтік желіде Көкшетау, Атбасар қалаларының көшелерінде, автокөлік жолдарында шауып жүрген еліктердің бейнежазбалары желдей есіп жүр.
Посмотреть эту публикацию в Instagram
Желі қолданушылардың сөзінше, жабайы жануарлардың қарны аш, қытымыр аязда қорек таба алмай, елді мекендерге кіруге мәжбүр.
Мына бір бейнежазбада Көкшетау қаласының «Сарыарқа» шағынауданындағы үйлердің ауласында шауып барады.
Посмотреть эту публикацию в Instagram
Ал №17 орта мектептің аумағында темір шарбаққа қысылып қалған елікті тұрғындар құтқарды.
Босаған елік өз жөнімен шауып кете барды. Патрульдік полицейлер жол қозғалысын қамтамасыз ету үшін жануарды жолдан шығарып салды.
Сібір елігі Атбасар ауданында да бейнежазбаға түсіп қалды. Атбасар қаласының көшесінде де адасып қалған еліктің лағын тұрғындар қызықтады.
Посмотреть эту публикацию в Instagram
Айта кетсек, бұдан бұрын «Бурабай» ұлттық паркінің қызметкерлері Қызыл кітапқа енген аққуды құтқарған болатын.
