Әзербайжан Президенті Қасым-Жомарт Тоқаевты «Загульба» резиденциясында қарсы алды
БАКУ. ҚазАқпарат – Қазақстан Президенті Қасым-Жомарт Тоқаевты ресми қарсы алу рәсімі Әзербайжан Президентінің «Загульба» резиденциясында өтті, деп хабарлайды ҚазАқпарат Ақордаға сілтеме жасап.
Құрмет қарауылының бастығы рапорт бергеннен кейін екі ел басшылары әскерилер сапын аралап өтті. Қазақстан мен Әзербайжанның әнұрандары шырқалды. Содан соң Қасым-Жомарт Тоқаев пен Ильхам Әлиев бір-біріне ресми делегациялардың мүшелерін таныстырды.
Салтанатты шарадан кейін мемлекет басшыларының жеке кездесуі басталды.
Бұған дейін хабарлағанымыздай, Мемлекет басшысы Қасым-Жомарт Тоқаев ресми сапармен Әзербайжанға барды . Баку әуежайында Қазақстан Президентін Әзербайжан Премьер-министрінің бірінші орынбасары Ягуб Эюбов пен Сыртқы істер министрінің орынбасары Халаф Халафов күтіп алды.
Фото : t.me/bort_01
