Әзербайжан шекарасы арқылы Ираннан 6 қазақстандық эвакуацияланды
Ираннан эвакуацияланғандар үшін барлық қажетті жағдай жасалған. Соның ішінде медициналық қызмет көрсету, таңғы ас және тағы да басқа қызмет түрлері бар. Адамдар таңғы асты шекара бекетінде де іше алады.
Шекарада эвакуацияланғандарды Қазақстан елшілігінің қызметкерлері күтіп алып, Бакуге алып кетті.
Эвакуация жұмысы жалғасып жатыр.
Бірнеше мемлекет Әзербайжан тарапынан Ирандағы өз азаматтарын кейіннен эвакуациялау мақсатында Әзербайжан аумағы арқылы елге қайтаруға көмектесуді сұрады.
Әзербайжан гуманизм қағидаттарын басшылыққа ала отырып, жоғарыда аталған адамдар тобының Астара шекара бекеті арқылы өтуіне қажетті жағдай жасады.
Еске салайық, жұмаға қараған түні Израиль Иран аумағына жаппай соққы жасады. Бұл шабуылдың салдарынан Ислам революциясы сақшылар корпусының (КСИР) бірқатар жоғары лауазымды командирі мен ядролық физика саласындағы ғалымдар қаза тапты. Иран сондай-ақ Натанз қаласындағы ядролық нысанның зақымданғанын растады, бірақ радиацияның таралу фактісін жоққа шығарды.
Сондай-ақ Иран Израильге зымыран атып, елде әуе дабылы жарияланғанын жазғанбыз.
Кейіннен Иранның зымыран шабуылынан 21 адам зардап шеккені белгілі болды.
Бұған дейін Қазақстан Таяу Шығыс елдеріне әуе кеңістігін жапқаны анықталды.
