Азия кубогы: Баскетболдан Қазақстан құрамасы Үндістанды жеңді

АСТАНА. KAZINFORM — Баскетболдан Қазақстан құрамасы Азия кубогы іріктеу сатысында бірінші айналымдағы алғашқы ойынында Үндістан құрамасынан басым түсті.

Ел құрамасы Е тобында сынға түседі.

Қарсыластары — Иран, Қатар және Үндістан құрамалары.

Бүгінгі кездесуде қазақстандық баскетболшылар жинақы қимылдай білді. 

Бірінші кезеңде қарсыластарына 13:16 есебімен есе жіберіп қойды. Қалған кезеңдерде (18:10, 13:7, 19:17) жеңіске жетті.

Осылайша қарсыласынан 63:50 есебімен басым түсті.

Енді ел құрамасы бес кездесу өткізеді. Алдымен 26 ақпанда Қатар құрамасымен шеберлік байқасады.

Одан кейін сырт алаңда 22 қарашада Иран, 25 қарашада Үндістанмен ойнайды.

Ал өз алаңында 2025 жылдың 21 ақпанында Қатар, 24 ақпанында Иранмен кездеседі. 

Финалдық турнир 2025 жылдың 5-17 тамызында Сауд Арабиясында өткізіледі.

Азяи кубогы 1960 жылдан бері тұрақты түрде ұйымдастырылып келеді.