Бакуде Қазақстан Конституциясы күнін мерекелеуге байланысты баспасөз мәслихаты өтті
Қазақстанның Әзірбайжан Республикасындағы Төтенше және Өкілетті елшісі Серік Пірімбетов өз сөзінде 1995 жылғы тамыздың 30-ында бүкілхалықтық референдумда республиканың Негізгі заңының қабылдануы тарихы туралы айтып берді, ол осы құжаттың арқасында бүгінде Қазақстан алға қойған міндеттеріне ойдағыдай қол жеткізгенін атап өтті.
«2007 жылғы мамырдың 21-інде Елбасы Нұрсұлтан Назарбаевтың бастамасымен құрамында елдің барлық саяси күштері бар арнайы консультативтік-кеңесші орган Конституцияға өзгерістер енгізудің тұтас блогын әзірледі, соның нәтижесінде Қазақстан президенттік басқарудан президенттік-парламенттік республикаға айналды», - деп атап көрсетті С.Пірімбетов.
Сонымен қатар Елші демократиялық дамудың қазақстандық жолын әлемдік қоғамдастық танығанын атап өтті. «Негізгі заңда азаматтардың конституциялық құқықтары мен бостандықтары кепілдендірілген және айқын тұжырымдалған», - деді қазақстандық дипломат.
Қазақстанның Әзірбайдандағы елшілігі Конституция күнін мерекелеу ауқымында бірқатар әзірбайжандық БАҚ-тарда республиканың Негізгі заңының арқасында жүзеге асырылып жатқан Қазақстан өмірінің барлық саласындағы іргелі реформалар туралы хабарлар таратты.