Байден мен Трамп Мичигандағы праймеризде жеңіске жетті

Байден мен Трамп
Фото: bbc.com

АСТАНА. KAZINFORM — Мичиган штатында өткен ішкі партиялық сайлауда (праймериз) президент Джо Байден мен бұрынғы президент Дональд Трамп жеңіске жетті. Бұл туралы NPR басылымы жазды. 

Негізгі кандидаттардың екеуі де осы уақытқа дейінгі барлық президенттік сайлауда жеңіске жеткен. 

Джо Байден демократиялық сайлаушылардың 79,8% қолдауына ие болды. Оның қарсыластары: жазушы және саясаткер Марианна Уильямсон 2,9% және АҚШ Өкілдер палатасының демократ мүшесі Дин Филлипс 2,8% дауыс жинады. 

Осы уақытқа дейін Дональд Трамп республикашылдар партиясының кандидатурасы үшін 6 президенттік конкуста жеңіске жетті. Оның қалған басты қарсыласы — АҚШ-тың бұрынғы елшісі Никки Хейли әлі бірде-бір байқауда жеңіске жеткен жоқ. 

Дональд Трамп штаттағы қолдаушыларына алғыс білдіріп, Мичигандағы нәтиже үлкен жеңіс екенін айтты. 

АҚШ-тағы сайлау 2024 жылдың 5 қарашасына белгіленген. 

Айта кетейік, Дональд Трамп Невада, Айова, Нью-Гэмпшир және Виргин аралдарында өткен ішкі партиялық сайлауда сенімді түрде жеңіске жетті.

Соңғы жаңалықтар