Байқоңыр 2013 жылы әлемдегі ең көп ұшырылым жасаған ғарыш айлағы атанды
АСТАНА. 20 қаңтар. ҚазАқпарат - Байқоңыр ғарыш айлағы әлемнің ең көп пайдаланылатын айлақ атағын тағы да иеленіп отыр. Былтыр бұл жерден 23 зымыран тасығыш ұшырылған. Бұл туралы Роскосмос хабарлады.
Байқоңырда өткен жылы «Союз-ТМА» және «Прогресс-М» кемесімен 11 рет «Союз» зымыраны ұшырылды. Сонымен қатар «Протон» зымыран тасығышы 10 мәрте ашық ғарыш кеңістігіне көтерілді және «Зенит» пен «Стрела» зымырандары бір-бір реттен ұшырылым жасалды.
Осылайша, Байқоңыр ұшырылым саны бойынша әлемде бірінші орын иеленді.
