Байқоңырда заңға бағынғысы келмеген төрт грузин азаматы жауапқа тартылды

ҚЫЗЫЛОРДА. ҚазАқпарат - Байқоңыр қалалық сотында Қазақстан Республикасы аумағына заңсыз кірген төрт Грузия азаматына қатысты әкімшілік іс қаралып, бұл жақын шетел азаматтарын ел аумағынан шығару туралы қаулы қабылданды, деп хабарлайды Байқоңыр қалалық сотының баспасөз қызметі.

Істің мән-жайына келер болсақ, Қазақстан Республикасы ІІМ Байқоңыр қаласындағы Өкілдігінде қабылдау барысында, аталған жақын шетел азаматтарының бұрын 15.10.2014 жылғы сот қаулысымен Қазақстан Республикасына заңсыз келген және белгiленген мерзiмдерде қайтып кетуден жалтарған. Содан олар әкімшілік жауапкершілікке тартылып, үш тәулік қамауға алынған. Бірақ соған қарамастан, 90 күн мерзімі ішінде ел аумағынан өз еркімен кетпей, тағы да ел аумағына келу қағидасын бұзғаны анықталған.

Сотпен құқық бұзушыларды Қазақстан Республикасы ӘҚБтК-нің 394-бабы 4-бөлімімен әкімшілік жауапкершілікке тартып, үш тәулік қамауға алып, Қазақстан Республикасы аумағынын шығару туралы қаулы қабылданды.