13:57, 05 Шілде 2010 | GMT +5
Беларус Президенті Кеден одағын құру туралы бастамаларды көтеріп, оны ілгерілетуге қосқан зор үлесі үшін Қазақстан Президентін алғысын білдірді.
nbsp;АСТАНА. Шілденің 5-і. ҚазАқпарат /Ернұр Ақанбай/ - Беларус Президенті Александр Лукашенко Қазақстан Президенті Нұрсұлтан Назарбаевқа Еуразиялық экономикалық қоғамдастығы және оның аясында Кеден одағын құру туралы бастамаларды көтеріп, оны ілгерілетуге қосқан зор үлесі үшін алғысын білдірді.

«ЕурАзЭҚ -тің құрылып, дамуы менің көз алдымда өтті. Бұл саясатта біз ақсақалдармыз. Мен Н. Назарбаевқа ЕурАзЭҚ-ті, оның аясында Кеден одағын құру туралы бастамаларды көтеріп, ілгерлетуге қосқан зор үлесі үшін алғыс білдіремін. Қазақстан Президенті ЕурАзЭҚ аясындағы біздердің қарым-қатынастарымыздың моторы болды», деді А. Лукашенко бүгін Ақордада өткен ЕурАзЭҚ Мемлекетаралық кеңесінің 27-ші мәжілісінен кейінгі БАҚ өкілдеріне арналған мәлімдемеде.
Осы орайда А. Лукашенко Н. Назарбаев ЕурАзЭҚ-тің құрылуында және дамуында басы-қасында жүргендігін айырықша атап көрсетті.
«Бұл шын мәнінде солай», деді Беларус басшысы.