Бельгияның ұлттық күніне орай ұйымдастырылған концертке 100 мың адам қатысты

АСТАНА. KAZINFORM – Жексенбі күні Бельгияда тәуелсіздік күнін тойлауға арналған мерекелік іс-шаралар өтті. 

Сағат 16.00-де Брюссельдегі Король сарайының алдындағы алаңда дәстүрлі әскери және азаматтық парад басталды. Көрермендер Бельгия Қарулы Күштерінің әскери техникасын, оның ішінде «Ягуар», «Гриффон», «Фалкон» және «Цезарь» сияқты жаңа көліктерді тамашалады. Әскери шеруге сондай-ақ Бельгия әуе күштерінің 26 ұшағы, оның ішінде алты F-16 жойғыш ұшағы мен H145 тікұшағы қатысты. 

Сонымен қатар биыл үшінші жыл қатарынан Премьер-Министр Кеңсесі 10 бельгиялық әртістің қатысуымен тегін концерт ұйымдастырды. Онда Сильви Кройш, Рейнель Баколе, Хельмута Лотти, «Кан», «Обычный Роб», Эмма Бэйл мен Мустии өнер көрсетті. 

Концерт жергілікті VRT1 және Play4 арналарында тікелей эфирде көрсетілді. Сахнаға Бельгия құрамасының спортшылары да шықты, олар Бельгияны Париждегі Олимпиадада және Паралимпиада ойындарында таныстырады. 

Кеш соңында лазерлік шоу және диджейлер тобының «дрондар шоуы», сондай-ақ мерекелік отшашу өтті. 

Брюссель полициясының мәліметі бойынша, кешкі концерт пен шоуға 100 мыңға жуық көрермен қатысты.