Берлинде Қазақстан Республикасының 2010-2020 жылдар кезеңіндегі құқықтық саясатының тұжырымдамасына арналған халықаралық коллоквиум өтті

АСТАНА.    Желтоқсанның 7-сі.  ҚазАқпарат - Қазақстан  делегациясы  желтоқсанның 7-8-інде Берлинде  өтіп жатқан      халықаралық  коллоквиумге  қатысуда.    Делегация  құрамына   Конституциялық   кеңес  төрағасы И.Рогов,   Жоғарғы сот төрағасы  М.Әлімбеков,    Бас прокурордың  бірінші  орынбасары И.Меркель,      Парламент Сенатының  Заңнамалық  және  құқықтық мәселелер  жөніндегі комитетінің  төрағасы   Б.Имашев, Жоғарғы  сот судьялары,    сондай-ақ     танымал отандық    заңгер-ғалымдар  кіріп  отыр. 

«Қазақстан  Республикасының    2010 -2020   жылдар  кезеңіндегі   құқықтық саясатының  тұжырымдамасы:   құқықтық және   сот реформасы саласындағы    орнықты  даму» тақырыбына   арналған   бұл форумды  Қазақстанның  Германиядағы   жылының аясында  Германияның    Техникалық ынтымақтастық жөніндегі     қоғамы     ұйымдастырып  отыр.

Коллоквиумның   бірінші күні  Конституциялық    Кеңестің  төрағасы И.Рогов кіріспе сөз  сөйлеп,    «Қазақстан  Республикасының    2010-2020   жылдар  кезеңіндегі   құқықтық саясатының  тұжырымдамасы   елде   құқықтық   мемлекет қағимдаларын    енгізудегі  бірінші кезеңнің  бастамасы»   деген тақырыпта баяндама  жасады    және     неміс әріптестерін   Қазақстанның   Құқықтық  саясатының  жаңа тұжырымдамасының  негізгі ережелері  туралы   хабардар  етті,  деп  хабарлады  ҚР Конституциялық Кеңесінің баспасөз қызметінен.