Бейбіт Жұқаев АТР 250 турнирінің финалына шықты

АСТАНА. KAZINFORM – Бейбіт Жұқаев (ATP 197) Қытайдың Чэнду қаласында ATP 250 санатындағы турнирге іріктеу кезеңін сәтті бастады, деп хабарлайды Қазақстан теннис федерациясы.

Қазақстандық спортшы іріктеудің бірінші кезеңінде испаниялық Моро Каньясты (153 ATP) 7:6 (7:5), 6:4 есебімен ұтты. Кездесу 1 сағат 40 минутқа созылды.

Турнирдің негізгі ойынына жолдама алу үшін Жұқаев аргентиналық Августин Гомеске (174 ATP) қарсы ойнауы тиіс.

Бейбіт Жұқаев Қазақстан құрамасы сапындағы алғашқы ойында жеңіске жеткенін жазған болатынбыз.

Астанада өткен Дэвис кубогында Қазақстан құрамасы Данияға жалпы есепте жеңіліп, жарыс жолынан шығып қалды. 

Айта кетейік, 6-13 қазан аралығында Астанада үстел теннисінен XXVII Азия чемпионаты өтеді. Бұл Қазақстан астанасында алғаш рет өткелі отырған құрлықтық біріншілік болмақ.