Бейжіңде Астанада «ЭКСПО-2017» көрмесін өткізу мәселесі талқыланды

БЕЙЖІҢ. 18 наурыз. ҚазАқпарат - Бүгін Бейжіңде «ЭКСПО-2017» халықаралық мамандандырылған көрмесінің комиссары, ҚР СІМ жауапты хатшысы Рәпіл Жошыбаевтың ҚХР Сыртқы істер министрінің орынбасары Чэн Гопинмен кездесуі өтті.

Кездесу барысында тараптар қазақстан-қытай ынтымақтастығы жөнінде, сондай-ақ, Астанада 2017 жылы «ЭКСПО» халықаралық мамандандырылған көрмесін өткізу бойынша өз пікірлерімен алмасты.

Бұдан бұрын ҚазАқпарат хабарлағандай, өткен жылы Қазақстанның астанасы «ЭКСПО-2017» халықаралық мамандандырылған көрмесін өткізу орны болып таңдалған болатын.