Биыл елімізге әкелінетін 15 фильм қазақ тіліне дубляждалады

Биыл елімізге әкелінетін 15 фильм қазақ тіліне дубляждалады
Фото: pexels.com

АСТАНА. KAZINFORM – Биыл елімізге әкелінетін 15 фильм қазақ тіліне дубляждалады. Бұл жайында Сенат депутаттарының сауалына Премьер-Министр Олжас Бектеновтің жауабында айтылған.

«Ұлттық киноны қолдау мемлекеттік орталығы» коммерциялық емес акционерлік қоғамы 2024 жылы елімізге әкелінетін 15 фильмді қазақ тілінде дубляждауды жоспарлап отыр. Disney фильмдерінің ресми дистрибьюторы «Меломан» компаниясы 2024 жылы 4 көркем фильмнің қазақ тіліндегі нұсқасын кең прокатқа шығаруды көздеуде. 2024 жылғы 14 маусымда «Ойжұмбақ 2» («Головоломка 2») анимациялық фильмінің тұсаукесері өтті», - деп атап өтеді Үкімет басшысы.

Премьер-Министрдің дерегінше, бүгінде режиссура саласында кадрлар даярлауды 7 университет жүзеге асырады. 2024-2025 оқу жылына кадрларды даярлау үшін бакалавриатқа 119 грант және магистратураға 10 грант көлемінде мемлекеттік тапсырыс (2023-2024 жылы бакалавриатта -100 грант, магистратурада - 10 грант) бөлінді.

«Жалпы елімізде анимация саласын дамыту үшін кешенді шаралар қабылдануда және уәкілетті органның бақылауында», - деді Олжас Бектенов.

Соңғы жаңалықтар
telegram