Боксшы Санжарәлі Бегалиев Үндістандағы әлем кубогының жартылай финалына шықты

ҚЫЗЫЛОРДА. KAZINFORM – Нью-Делиде (Үндістан) бокстан әлем кубогының финалдық кезеңі басталды, деп хабарлайды olympic.kz. 

Ерлер арасында 80 келіге дейінгі салмақта қазақстандық боксшы Санжарәлі Бегалиев жартылай финалға жолдама алды. 

1/4 финалда отандасымыз Оңтүстік Корея өкілі Минсен Кимнен басым түсті.

Санжарәлінің қоржынында енді кем дегенде қола медаль бар. 

Еске сала кетейік, бұған дейін Нью-Дели қаласындағы World Boxing аясында өтетін әлем кубогында қазақстандық боксшылардың қарсыластары анықталғанын жазғанбыз.