British Airways әуе компаниясы: Алматы-Лондон бағыты бойынша тікелей рейс ашылады
АСТАНА. 23 қаңтар. ҚазАқпарат - British Airways әуе компаниясы 2013 жылдың 2 сәуірінен бастап Алматы және Лондон арасындағы тікелей рейстердің орындала бастағанын және осы бағытқа орындар саны аптасына 200 орынға дейін өскені туралы жариялайды.
Ұшақтар қозғалысының жаңа жазғы кестесі жұмысын бастаған соң Лондон-Алматы бағыты бойынша тікелей рейс ұшырылады және ұшу қазіргі А321 аэробусының орнын басатын Boeing 767 үлкен әрі жайлы әуе кемесінде орындалады. Рейстер лондондық «Хитроу» әуежайының 5-ші терминалына жетеді, бұл көптеген бағыттар бойынша қолайлы тоғысуларды қамтамасыз етеді.
Boeing 767 әуе кемесі жолаушыларға British Airways қызмет көрсетуінің үш санатын ұсынады: Club World (бизнес-класс), World Traveller Plus (жақсартылған эконом-класс) және World Traveller (экономикалық класс).
