Ауа температурасы -2°C дейін төмендеп, үсік жүреді

АСТАНА. KAZINFORM — 27 сәуірде солтүстік, шығыс және орталық аймақтарда түнгі уақытта ауа температурасы -2°C дейін төмендеп, үсік күтіледі. Бұл туралы «Қазгидромет» РМҚ жазды.

Күндіз ауа температурасы төмендейді:

• солтүстікте +10…+15°C дейін,
• орталықта +10…+18°C дейін,
• шығыста +7…+20°C дейін,
• оңтүстікте +15…+25°C дейін.

Батыс өңірлерде температура біртіндеп +7…+15°C-тен +15…+20°C-қа дейін көтеріледі.

27 сәуірге Қазақстан аумағының басым бөлігінде қолайсыз ауа райына байланысты дауылды ескерту жарияланған болатын.