Чемпиондар лигасы: «Астана» командасының ықтимал қарсыластары анықталды

АСТАНА. ҚазАқпарат - Елордалық «Астана» командасының футболдан UEFA Чемпиондар лигасындағы ықтимал қарсыластары анықталды, деп хабарлайды ҚазАқпарат тілшісі.

20 маусымда UEFA Чемпиондар лигасы бірінші және екінші іріктеу сатысының жеребесі тартылады. Ел чемпионы - «Астана» жарыс жолын бірінші іріктеу сатысынан бастайды.

Елордалық клубтың аталған жарыстағы ықтимал қарсыластары қатарында «Линкольн Ред Импс» (Гибралтар), «КИ Клаксвик» (Фарер аралдары), «Динамо» (Тбилиси, Грузия), «Ракув» (Польша), «Партизани» (Албания), «Хеккен» (Швеция), «Фарул» (Румыния), «Валмиера» (Латвия), «Балкани» (Косово), «Ларн» (Солтүстік Ирландия), «Урарту» (Армения), «Хамрун Спартанс» (Мальта), «Свифт» (Люксембург), «Струга» (Солтүстік Македония) командалары және алдын ала іріктеу сатысының жеңімпазы бар.

UEFA Чемпиондар лигасы бірінші іріктеу сатысының ойындары алғашқы кездесу 11/12 шілде, қарымта ойындар 18/19 сәуір күндеріне белгіленген.

Еске салсақ, бұдан бұрын 2024 жылғы Еуропа чемпионатына іріктеу сатысындағы Сан-Марино – Қазақстан матчын қайдан көруге болатыны анықталды.