Дәрігерлер көмір шахтасында жарақат алған кеншілердің қал-жағдайы туралы айтты
ШАХТИНСК. ҚазАқпарат - Ленин атындағы шахтадағы апат салдарынан кеншілер уланып, түрлі жарақат алды. Бұл туралы Қарағанды облысының Денсаулық сақтау басқармасынан хабарлады, деп хабарлайды ҚазАқпарат тілшісі.
Ленин атындағы шахтада болған апаттан кейін Шахтинск қаласының орталық ауруханасына 4 зардап шеккен кенші жеткізілді. Алдын ала диагноз – метанмен улану.
«Зардап шеккендердің екеуі Х.Ж. Мақажанов атындағы көпсалалы аурухананың токсикологиялық бөлімшесіне ауыстырылды. Уланудан басқа әртүрлі дәрежедегі жарақат алған тағы екі адам Шахтинск қаласында. Консилиум өткізу үшін санавиациямен құрамында 2 нейрохирург және 2 реаниматолог бар Мақажанов атындағы көпсалалы аурухана мамандарынан құралған бригада келіп жетті», - деп хабарлады Қарағанды облысының Денсаулық сақтау басқармасы.
Естеріңізге сала кетейік, бүгін түнде шахтада. «АрселорМиттал Теміртау» АҚ шахтасында 4 кенші қаза тапты.
ТЖ фактісі бойынша ҚР ҚК 277-бабының 3-бөлігі «Тау-кен немесе құрылыс жұмыстарын жүргізу кезінде қауіпсіздік ережелерін бұзу» бойынша қылмыстық іс қозғалды.
