Демеу Жадыраев — Париж Олимпиадасының күміс жүлдегері
АСТАНА. KAZINFORM — Грек-рим күресінен Париж Олимпиадасының финалында белдескен Демеу Жадыраев жапониялық Нао Кусакадан жеңілді.
Отандасымыз 77 келі салмақта қарсыласына 5:2 есебімен есе жіберіп, күміс жүлдені қанағат тұтты.
Ал Нао Кусака Париж Олимпиадасының чемпионы атанды.
Айта кетейік, ол алғашқы жекпе-жегінде эквадорлық Джейр Куеромен белдесті.
Аса тартысты өткен жарыста Демеу Жадыраев 8:0 есебімен жеңіске жетті.
Ширек финалда екі дүркін әлем чемпионы, Токио ойындарының күміс жүлдегері қырғызстандық Ақжол Махмудовтан 3:1 есебімен басым түсті.
Ал жартылай финалда әзербайжан жігіті Санан Сулеймановты 6:1 есебімен жеңді.
Демеу Жадыраев биыл 34 жаста.
Бұл оның соңғы Олимпиадасы болуы әбден мүмкін.
Қазақстандық спортшы 2017 жылғы әлем чемпионатының күміс жүлдесін жеңіп алған, сонымен қатар Азия чемпионатында бірнеше мәрте жүлдегер атанған.
