Дрондар құтқарушылардың жұмысын айтарлықтай жеңілдетеді - министрлік
АСТАНА. KAZINFORM – Дрондар мен тепловизорлар сияқты технологиялар ҚР Төтенше жағдайлар министрлігі жұмысының ажырамас бөлігіне айналды, деп хабарлайды министрліктің баспасөз қызметі.
Баспасөз қызметінің мәліметтеріне қарағанда, бүгінгі таңда ведомство иелігінде төтенше жағдайларды бақылау және адамдарды іздеу үшін белсенді қолданылатын 134 әртүрлі ұшқышсыз ұшу аппараты бар.
Ұшқышсыз ұшу аппараттары жоғары ұтқырлыққа ие және қиын жағдайларда жұмыс істей алады, олар төтенше жағдайлардың ауқымын бағалауда да пайдаланылады. Олар қалың өскен өсімдіктер немесе таулы аймақ болсын, әсіресе жетуі қиын жерлерде пайдалы, ол жерлерде дәстүрлі іздеу әдістері тиімсіз болуы мүмкін. Мұндай жағдайда тепловизорлары бар дрондар құтқарушылар үшін маңызды көмекші болады. Олар адамдарды тіпті қараңғы уақытта немесе жанудың жасырын ошақтары жағдайында табуға мүмкіндік береді.
Тепловизорлар іздеу-құтқару жұмыстарында ерекше рөл атқарады. Олар жасырын өрт ошақтарын анықтап қана қоймай, апаттардың алдын алу үшін өте маңызды, өрттің таралуын тез арада болдырмауға мүмкіндік береді. Тепловизорлардың көмегімен өрт орындарын тез оқшаулап, оларды сөндіруге күш салуға болады.
Төтенше жағдайларда тікелей жұмыс істеуден басқа, бұл технологиялар алдын алу үшін белсенді қолданылады. Мысалы тепловизорлары бар ұшқышсыз ұшу аппараттары қыста су объектілерін патрульдеу кезінде пайдаланылады. Олардың арқасында түнде қауіпті жұқа мұзға шыққан 200-ден астам балықшы табылды. Бұл қауіп-қатердің алдын алып, адам өмірін уақытында құтқарып қалды.
Болашақта дауысты құлақтандыру функциясымен жарақталған ұшқышсыз ұшу аппараттар паркін кеңейту жоспарлануда. Бұл жетуі қиын жерлерде құтқару жұмыстарының тиімділігін арттырады. Технология дамуын жалғастыруда, жыл сайын құтқарылған адамдардың саны тек артады.
Ұшқышсыз ұшу аппараттары мен тепловизорлар сияқты заманауи құралдар біздің қоғамды қауіпсіз етеді, ең қиын жағдайларда адам өмірін құтқаруға көмектеседі.
Осыған дейін еліміздің Төтенше жағдайлар министлігі 120 млн теңгелік өрт сөндіргіш дрон әлі сынақтан өтіп болмағанын хабарлаған еді.
