ЕАЭО аясындағы ықпалдастық Қазақстан үшін тек жағымды әсерге ие - М. Бәшімов
Бұл туралы бүгін Орталық коммуникациялар қызметінде өткен баспасөз мәслиxатында Еуропалық құқық және адам құқықтары жөніндегі сарапшылық институттың директоры Марат Бәшімов мәлім етті.
"Еуразиялық экономикалық одақтың құрылуы - мен үшін маңызды оқиғалардың бірі. Себебі мен ММУ-де өткен дәріске қатысқанмын. 1994 жылы мен Мәскеу мемлекеттік университетінде сабақ бердім. Мені университет проректоры шақыртып, "Марат, ертең сіздердің президенттеріңіз келеді" деп xабар берді. Сол кездегі жағдайды айтайын, 1994 жыл: бізде құлдырау, қандай ықпалдастық туралы айтуға болады?! Ақша жоқ, көбі мектептен базарға кетіп жатты. Отбасын асырау үшін елдер барлығын істеді", - деп еске алады М. Бәшімов.
"Мемлекет басшысы сол кезде профессорлар алдында, университеттің барша ғылыми кеңесінің алдында тұрып: "Біз Ресеймен экономикалық байланыстар орнатпай, экономикалық интеграциясыз өмір сүре алмаймыз. ЕАЭО - біздің болашағымыздың серпіні", - деді Президент. Профессорлар оның мұндай ұсынысына қайран қалды. "Сіздердің Президенттеріңіз - өте көреген адам", - деп мойындап жатты. Қазір қарап отырсақ, ЕАЭО уақытында қолға алынып, алмағайып заманда, ең қажет тұста құрылды", - деді сарапшы.