Елбасының Жолдауын Қызылорда облысының жастары ұйымшылдықпен тыңдап отыр
ҚЫЗЫЛОРДА. 27 қаңтар. ҚазАқпарат /Жаңагүл Сердалы/ - Дәл қазіргі сағатта Қызылорда облысының жастары да Елбасы Нұрсұлтан Назарбаевтың Қазақстан халқына Жолдауын зер сала, бір кісідей ұйымшылдықпен тыңдап отыр.
Жолдауды Қорқыт ата атындағы Қызылорда мемлекеттік университетінің студенттер сарайында облыстағы 10 жастар ұйымының өкілдері тыңдауда. Сол сияқты облыс білім беру мекемелерінің 23 600 жасы бұл Жолдауды бірлесе көріп отыр. Бұл өңірдегі жалпы жастардың 11 пайызын құрайды.
