Еліміздің 9 облысында ауа райына байланысты ескерту жарияланды

дождь
Фото: Александр Павский/ Kazinform

АСТАНА. KAZINFORM – Республиканың 9 облысында ауа райына байланысты ескерту жарияланды. Бұл туралы Қазгидромет РМК хабар таратты.

27 сәуірде Жетісу облысының шығысы мен солтүстігінде солтүстік-шығыстан 15-20, Алакөл аумақтарында 23-28 м/с жылдамдықпен жел соғады.

Ұлытау облысының солтүстігінде, шығысында және орталығында солтүстік-шығыстан жел соғады, екпіні 15-20 м/с. Түнде облыстың шығысында 1 градус аяз.

Жезқазған: 27 сәуірде күндіз солтүстік-шығыстан жел соғады, екпіні 15-20 м/с.

Қарағанды облысының солтүстігінде, шығысында, оңтүстігінде күндіз солтүстік-шығыстан соғатын желдің екпіні 15-20 м/с жетеді.

27 сәуірде күндіз Атырау облысының батысында оңтүстік-шығыстан 15-20 м/с жел соғады. 27 сәуірде облыстың оңтүстігінде жоғары өрт қаупі сақталады.

Түркістан облысының таулы аймақтарында нөсер жаңбыр жауады. Облыстың оңтүстігінде, таулы және тау бөктеріндегі аудандарында найзағай ойнап, бұрқасын соғады, облыстың солтүстігінде дауыл тұрады. Солтүстік, батыста солтүстік-шығыстан жел соғады, таулы және тау бөктеріндегі аудандарда желдің екпіні 15-20, күндіз 23 м/с. 27 сәуірде облыстың солтүстігінде жоғары өрт қаупі сақталады.

Шымкент: 27 сәуірде күн күркіреп, бұрқасын соғады. Солтүстік-шығыстан соғатын желдің екпіні 15-20 м/с.

Түркістан: 27 сәуірде таңертең және күндіз солтүстік-шығыстан соғатын желдің екпіні 15-20 м/с жетеді.

Батыс Қазақстан облысында күндіз оңтүстіктен, оңтүстік-шығыстан, облыстың солтүстік-батысынан жел соғады, екпіні 15-20 м/с жетеді.

Қызылорда облысының орталығы мен шығысында дауыл соғады. Орталықта солтүстік-шығыстан соғатын желдің екпіні 23 м/с жетеді. Облыс орталығында және оңтүстігінде жоғары өрт қаупі сақталады.

Қызылорда: 27 сәуірде күндіз дауыл тұрады. Солтүстік-шығыстан соғатын желдің екпіні күндіз 15-20 м/с. Өрт қаупі әлі де жоғары.

Маңғыстау облысының басым бөлігінде жоғары өрт қаупі сақталады.

Жамбыл облысының таулы аймақтарында күндіз нөсер жаңбыр жауады. 27-28 сәуірде оңтүстікте, облыстың таулы аудандарында найзағай ойнайды, 27 сәуірде бұршақ жауады. 27-29 сәуірде оңтүстікте, облыстың таулы аудандарында тұман түседі. 27-29 сәуірде солтүстік-шығыстан соғатын жел оңтүстік-батыстан, солтүстік-шығыста, облыстың таулы аудандарында 15-20 м/с, 27-28 сәуірде екпіні 25 м/с. 28-29 сәуірде түнде шығыста, облыстың таулы аудандарында 2 градус аяз күтіледі.

Тараз: 27 сәуірде күндіз найзағай ойнап, бұршақ жаууы мүмкін. Солтүстік-шығыстан жел соғады, күн күркіреп, екпіні 15-20 м/с.

27-29 сәуірде түнде және таңертең тұман.

Соңғы жаңалықтар