Елорданың тұрмысы төмен азаматтарына азық-түлік сатып алу үшін арнайы карта беріледі

НҰР-СҰЛТАН. ҚазАқпарат – Күзде елордада әлеуметтік аз қамтылған отбасыларға супермаркеттерден азық-түлік сатып алуға арналған әлеуметтік карталар берледі. Бұл туралы бас шаһардың кәсіпкерлерімен кездескен Нұр-Сұлтан қаласының әкімі Алтай Көлгінов мәлім етті, деп хабарлайды ҚазАқпарат тілшісі.

Қала басшысының сөзінше, елорда әкімдігі ірі «Магнум» супермаркеттер желісімен әлеуметтік маңызы бар азық-түлік өнімдерінің бағасын тұрақты ұстап тұру бойынша жұмыс істейді.

«Әлеуметтік карта жобасын пилоттық режимде іске қосқымыз келеді. Яғни, біз субсидиялайтын азық-түліктер әлеуметтік осал топқа жататын азаматтардың қолына тиюі тиіс. Әлеуметтік карталарды шығарып, жобаны күзде пилоттық режимде бастаймыз», - деп жоспарларымен бөлісті Алтай Көлгінов.

Еске салайық, бұл уақытқа дейін әлеуметтік маңызы бар азық-түлік бір жылда 18,1% қымбаттағанын жазған едік.