Энергетика және коммуналдық шаруашылық ұлттық жобасы жыл соңына дейін бекітіледі – Үкімет

АСТАНА. KAZINFORM – Ұлттық жоба тозығы жеткен инфрақұрылымды қайта жаңартуды көздейді. Сонымен қатар өмірлік маңызды секторлар, яғни жылу, энергия және сумен жабдықтау жұмысын қамтамасыз етуді үшін шешу маңызды. Толығырақ Үкімет басшысының орынбасары Қанат Бозымбаев айтып берді.

«Қазақстан тиімді инфрақұрылым елдің тұрақты экономикалық өсуі мен халықаралық инвесторлар үшін тартымды екенін мойындайды. Заманауи талаптар мен стандарттарға сәйкес тиісті инфрақұрылымдық базаны құрмай, индустрияны дамыту және ұзақ мерзімді экономикалық табысты қамтамасыз ету мүмкін емес. Мемлекет басшысы халыққа жолдауында бірінші кезекте инфрақұрылымдық мәселелерді шешуге ерекше назар аударды», - деді Қанат Бозымбаев қазақстандық жаһандық инвестициялар тақырыбында өтіп жатқан форумда. 

Вице-премьердің айтуынша, тиімді инфрақұрылым алдымен энергетика секторы мен коммуналдық шаруашылық және ұзақ мерзімді тарифтік саясатты нақты жоспарлауды талап етеді. Осы орайда қаржы институттары тарапынан қолжетімді ұзақ мерзімді кредиттеуді қамтамасыз ету міндеті тұр.

«Жыл соңына дейін энергетика және коммуналдық секторларды жаңғырту жөніндегі ұлттық жобаны бекітуді жоспарлап отырмыз. Ұлттық жобаны әзірлеу уақтылы және өте қажет құжат. Жоба тозған инфрақұрылымды қайта жаңартуды көздейді. Бұл маңызды стратегиялық міндет, жоба өмірлік маңызды секторлар, яғни жылу, энергия және сумен жабдықтау жұмысын қамтамасыз етуді үшін шешу қажет», - дейді ол. 

Сондай-ақ, Қанат Бозымбаев елімізде, әсіресе өңірлерде тозығы жеткен энергетика және коммуналдық секторларға инвестиция тарту мәселесін көтерді. 

«Бұл салаға 1,6 мың шақырым жылу желілерін жаңғырту үшін шамамен 16 млрд доллар көлемінде инвестициялар тартуды жоспарлап отырмыз (тозуды 42%-ға дейін төмендетеді), 78 мың шақырым электр жабдығы желілері ( тозуды 51%-ға дейін төмендетеді), 4,7 мың шақырым сумен жабдықтау желілері ( тозуды 34%-ға дейін төмендетеді), 2,6 мың шақырым су бұру желілері (тозуды тозу 41% дейін төмендетеді). Осылайша апаттар санын 27%-ға азайтуға мүмкіндік береді», - деп толықтырды Премьер-Министрдің орынбасары. 

ҚР Президенті жанындағы шетелдік инвесторлар кеңесінің 36-шы пленарлық отырысында Мемлекет басшысы Қасым-Жомарт Тоқаев ұлттық инвестициялық платформа іске қосылатынын айтқан еді. 

Айта кетейік, бүгін елордада қазақстандық жаһандық инвестициялар тақырыбында форум өтіп жатыр.