Ерейментау тұрғыны жасырын марихуана өсіретін зертхана ұстағаны үшін 3 жылға сотталды

АСТАНА. KAZINFORM — 2024 жылдың қараша айында Ерейментау ауданы прокуратурасының нұсқауы бойынша полициямен ауланы аралау барысында марихуана өсіру бойынша жасырын фито-зертханасы анықталған болатын. Бұл туралы Ақмола облысы прокуратурасы мәлім етті.

Атап айтқанда, ауданның 36 жастағы тұрғыны жалдамалы үйде марихуана өсірумен айналасатыны анықталды.

— Үйді тінту кезінде қарасора бұталары бар 59 құмыра, марихуана тұқымдары, электронды таразылар, ультракүлгін шамдар, термометрлер, жылытқыштар, салқындатқыштар және басқа жабдықтар табылды. Сараптама қорытындысына сәйкестінту барысында алынған өсімдіктерде есірткі заттары анықталған, — деп хабарлады прокуратурадан. 

Сотқа дейінгі тергеп-тексеру барысында кінәлі тұлға мойындау айғақтарын беріп, прокурормен іс сотқа жіберілген.

Аудан сотының үкімімен ол қылмыс жасағаны үшін кінәлі деп танылып, 3 жылға бас бостандығынан айырылды.