Есірткі контрабандасымен айналысты деген күдікті Ресейден экстрадицияланды
АСТАНА. KAZINFORM – Бас прокуратура ірі мөлшерде гашиш есірткі құралы мен мефедрон психотроптық затының контрабандасы үшін қылмыстық жауапқа тарту мақсатында Тәжікстан азаматын Ресей Федерациясынан экстрадициялады.
2022 жылдың тамыз айында күдікті Қостанай облысындағы Қазақстан Республикасының мемлекеттік шекарасы арқылы тыйым салынған заттарды тасымалдамақ болған кезде шекара қызметкерлері ұстаған.
- Күдіктінің жеке басын ескере отырып, тергеу органы оған қоғамнан оқшаулаумен байланысты емес бұлтартпау шарасын таңдаған. Алайда ол бұл жағдайды пайдаланып, белгіленген жауаптылықтан құтылу үшін тергеуден жасырынып, осыған байланысты оған халықаралық іздеуге жарияланды, - делінген Бас прокуратура хабарламасында.
2024 жылдың мамыр айында күдікті Екатеринбург қаласында ұсталып, содан кейін Қазақстан Республикасының Бас прокуратурасының сұрауы бойынша Қазақстанға экстрадицияланды.
Қазіргі таңда күдікті тергеу изоляторына қамалды. Айыпталған қылмысты жасағаны үшін мүлкін тәркілеп, жеті жылдан он екі жылға дейін бас бостандығынан айыру түріндегі жаза қарастырылған.
Бұған дейін бес жылдан бері жасырынып жүрген қылмыскер Грузиядан экстрадицияланған еді.
