ЕурАзЭҚ-тың дағдарысқа қарсы қоры Қырғызстанның салымымен толыға түседі
БІШКЕК. Сәуірдің 8-і. ҚазАқпарат /Владимир Добровольский/ - Қырғызстанның ЕурАзЭҚ-тың дағдарысқа қарсы қорына енетіні туралы бүгін қырғыз астанасында ЕурАзЭҚ елдері қаржы министрлерінің кездесуі қорытындысы бойынша өткен баспасөз мәслихатында Қырғызстан Республикасының Қаржы министрі Марат Сұлтанов мәлімдеді,
деп хабарлайды ҚазАқпарат. М.Сұлтанов мәлімдегендей, Ресейдің бастамасы бойынша құрылған дағдарысқа қарсы қорда 10 млрд. доллар көлемінде қаржы болуы тиіс. Ресей тарапының салымы 8 млрд.долларды құрамақ. Қаржы министрінің айтуынша, қордың қаржысы дағдарыс кезінде экономикасы әлсіз елдерге көмек ретінде жұмсалады.М.Сұлтановтың айтуынша, ЕурАзЭҚ-қа Қырғызстанның салымы 1 млн. АҚШ долларын құрайды, келешекте бұл сома өсуі де мүмкін.
