EURO 2024: Ислам Чесноков Қазақстан құрамасы сапындағы алғашқы голын соқты

Футболдан 2024 жылғы Еуропа чемпионатына іріктеу сатысы жетінші турында Қазақстан құрамасының Сан-Марино қақпасына гол соқты, деп хабарлайды Kazinform.

Бас бапкер Магомед Адиев алғашқы минуттан Шацкий, Қайыров, Малый, Марочкин, Быстров, Досмағамбетов, Чесноков, Бейсебеков, Зуев, Оразов, Айымбетовке сенім артты.

Ойын басынан қазақстандық футболшылар қарсыластар қақпасына шабуыл жасады. Десе де Сан-Марино қорғаушылары оған тойтарыс беріп жатты.

Ойынның 19-минутында қазақстандық Ислам Чесноков көздеген нысанадан мүлт кеткен жоқ. Осылайша ол құрама сапындағы алғашқы голын соқты.

Сондай-ақ, ойынды 36 елдің тұрғындары тікелей эфирде тамашалай алады.

Олардың қатарында АҚШ, Қытай, Мексика, Испания, Франция, Индонезия, Сингапур, Ресей, Түркия сынды мемлекеттер бар.

Сондай-ақ, бүгін аталған топта Финляндия мен Солтүстік Ирландия («Qazsport» 23.00), Дания мен Словения («Qazsport» 01.45) ойындары өтеді.