Еуропа чемпионаты: 17 маусымда қай құрамалар ойнайды
АСТАНА. KAZINFORM — Футболдан 2024 жылғы Еуропа чемпионатының төртінші ойын күні, 17 маусымда үш ойын өткізіледі.
Алдымен 18:00–де Е тобында Румыния мен Украина ойнайды.
Бәсеке Qazsport телеарнасынан тікелей эфирде көрсетіледі.
Екі құрама қазірге дейін 6 мәрте кездескен. Оның 3-і румыниялық құраманың басымдығымен аяқталса, 7-де тең нәтиже тіркелді. Қалғанында украиналық футболшылар жеңіске жетті.
Құрлықтық додада Румыния бесінші мәрте бақ сынап отырса, Украина үшінші мәрте қатысуда.
Одан кейін Е тобындағы тағы бір кездесу Бельгия мен Словакия ойыны 22:00–ге белгіленген.
Кездесуді жанкүйерлер Qazsport телеарнасынан тікелей эфирде тамашалай алады.
Қазірге дейін екі құрама 3 мәрте шеберлік байқасты. Олардың 2-де тең нәтиже тіркелсе, 1-де Бельгияның мерейі үстем болды.
Словакия әзірге аталған қарсыласын жеңе алмай келеді.
Словакия биыл құрлықтық дода финалдық сатысында үшінші мәрте ойнап жатса, Бельгия алтыншы мәрте келді.
Бүгінгі ойындарды сағат 23:55–те D тобындағы Австрия мен Франция кездесуі түйіндейді.
Матч Qazsport телеарнасынан тікелей эфирде көрсетіледі.
Екі құрама қазірге дейін 29 мәрте кездескен. Оның 9-да Австрия жеңіске жетсе, 4-де тең нәтиже тіркеліп, қалғанында Франция басымдық танытты.
Еуропа чемпионатына Австрия төртінші мәрте қатысуға мүмкіндік алса, Франция оныншы рет келді.
Еске салсақ, 16 маусымда С тобында Словения мен Дания 1:1 есебіне қанағат білдірсе, Англия Сербияны 1:0 есебімен тізе бүктірді.
D тобында Польша Нидерланд құрамасына 1:2 есебімен есе жіберді.