Филиппиндегі АСЕАН саммитінде энергетикалық дағдарыс басты тақырып болады
АСТАНА. KAZINFORM — Оңтүстік-Шығыс Азия елдері қауымдастығының (АСЕАН) басшылары Филиппинде Таяу Шығыстағы энергетикалық дағдарыс пен тұрақсыздықтың аймақ экономикасына әсерін шешу үшін келіссөздер өткізеді, деп хабарлайды Report.
Кездесулер бейсенбі және жұма күндері Себу аралында өтеді. Онда 11 АСЕАН елінің көшбасшысы, сыртқы саясат және экономикалық ведомство басшылары қатысады.
Филиппин сыртқы істер министрі Мария Тереза Лазароның айтуынша, кездесулерде басымдық берілетін мәселелер — энергетикалық және азық-түлік қауіпсіздігі. Бұл тақырыптар шамамен 700 миллион тұрғыны бар аймақ үшін ерекше маңызды. Сондай-ақ бұл мәселе жанармай импортына тәуелді.
Дипломаттар мен сарапшылар қазіргі жағдай Филиппиннің АСЕАН төрағалығына ауыр сынақ болатынын атап отыр. Манила сыртқы экономикалық қауіптерге қарсы аймақтық шараларды үйлестіруі қажет, сонымен қатар біріккен ұйымның ішкі мәселелерін күн тәртібінде ұстауы тиіс. Олардың қатарында Мьянмадағы азаматтық қақтығыс, Оңтүстік Қытай теңізіндегі шиеленіс, сондай-ақ өткен жылы адам шығынына әкеп соққан Тайланд пен Камбоджа арасындағы әлі шешілмеген даулы шекара мәселесі бар.
Еске сала кетейік, наурыз айында Филиппиннің энергетика саласында төтенше жағдай жарияланды.
