Францияда автобус аударылып, 40-қа жуық адам зардап шекті

АСТАНА. KAZINFORM – Францияда жолаушылар автобусы 5 көлікке соғылды. Апат салдарынан 5 адам ауыруханаға жеткізілді, бұдан бөлек тағы 31 жолаушы зардап шекті, деп хабарлайды Kazinform-ның меншікті тілшісі.

Оқиға Францияның Шевили-Ларю (Валь-де-Марнпрефектурасы) аумағында болған. Көмекке 80-ге жуық өрт сөндіруші жұмылдырылды.

Жергілікті билік бұл оқиғаны «Каэтано» дауылынан кейінгі ауа райының нашарлауымен байланыстырды. Аумақта жауын, қар жауып, жолдарда көктайғақ болған. Оның үстіне Валь-де-Марн префектурасында ауа райының қолайсыздығына байланысты қауіптіліктің қызғылт-сары дабыл деңгейі жарияланды.

Еске салсақ, Мысырда екі пойыздың соқтығысуы салдарынан үш адам қаза тауып, тағы 49 адам жарақат алды. Мысыр Денсаулық сақтау министрлігі мәлімдеме жасап, жарақат алған 44 адамның денсаулық жағдайы қалыпты екенін айтты.