Германиядағы әлем чемпионаты: қазақстандық биатлоншылар спринтте қалай өнер көрсетті

АСТАНА. KAZINFORM – Германияның Арбер қаласында биатлоннан жасөспірімдер арасында әлем чемпионаты өтіп жатыр.

Әлемдік біріншілік аясында бозбалалар мен жасөспірімдер арасында спринт жарысы ұйымдастырылды.

Бозбалалар арасында Кирилл Зотов 23-орын алды. Егор Немцев 49-орынға тұрақтаса, Евгений Полторанин 59-орыннан көрінді. Ал Никита Дудченко 75-орынға ие болды.

Жасөспірімдер арасында Захар Шкарин 39-орында мәреге жетті. Антон Редькин 59-орын алды. Ал Эрик Шефер 78-орынға жайғасса, Богдан Авизов 84-орынға тұрақтады.

Бүгін, 4 наурызда осы дисциплинада қыздар жарыс жолына шығады.

Еске сала кетейік, бұдан бұрын қазақстандық биатлоншылардың Норвегиядағы Еуропа чемпионатына қатысқанын жазған едік.