Илон Маск, Тим Кук және АҚШ-тың бірқатар топ-менеджері Трамппен бірге Қытайға барады
АСТАНА.KAZINFORM - Ақ үй осы аптада Дональд Трамппен Қытайға баратын оннан астам топ-менеджерді шақырды. Бұл сапарда Бейжіңмен бірқатар іскерлік келісім мен келісімшарт жасалады, деп хабарлайды Kazinform агенттігінің Вашингтондағы тілшісі.
Newsmax басылымының хабарлауынша, Tesla компаниясының басшысы Илон Маск пен Apple компаниясының басшысы Тим Кук Трамппен бірге жүреді.
Bloomberg News агенттігінің Ақ үй шенеунігіне сілтеме жасай отырып хабарлауынша, Goldman Sachs компаниясының басшысы Дэвид Соломон, Blackstone компаниясының басшысы Стивен Шварцман, BlackRock компаниясының басшысы Ларри Финк, Citigroup компаниясының басшысы Джейн Фрейзер және Meta Platforms компаниясының басшысы Дина Пауэлл Маккормик те Қытай төрағасы Си Цзиньпинмен өтетін саммитте Трамп делегациясына қосылады.
NYT NewsToday басылымының хабарлауынша, Boeing компаниясының бас директоры Келли Ортберг, GE Aerospace компаниясының бас директоры Лоуренс Калп, Goldman Sachs компаниясының бас директоры Дэвид Соломон және Mastercard компаниясының бас директоры Майкл Мибах та саммитке қатысуға шақырылған.
Бұған дейін Қытай Трамптың Бейжіңге сапарын растаған болатын. Сондай-ақ АҚШ пен Қытай көшбасшылары нені талқылайтынын да хабарлаған едік.
