Иран танкерлері екі айда алғаш рет Ормуз бұғазынан шықты
АСТАНА. KAZINFORM – Иран мен АҚШ арасындағы бейбітшілік келісіміне қол қойылғанға дейін Ормуз бұғазындағы АҚШ-тың блокадасынан шамамен 5 млн баррель шикі мұнай тасымалдаған кем дегенде үш ирандық танкер өтті, деп хабарлайды Kazinform агенттігі.
Иранның Ұлттық мұнай компаниясына тиесілі және АҚШ санкцияларына ұшыраған екі супертанкер, Diona и Hero 2 екі ай ішінде алғашқы шикі мұнай жеткізілімі сәтті аяқтады, барлығы 3,8 млн баррель ирандық шикі мұнай тасымалданды.
Бұл туралы мәліметті TankerTrackers теңіз барлау компаниясы келтірді.
Kpler компаниясының мәліметінше, сәрсенбі күні Иранмен байланысты және 1 млн баррель ирандық мұнай тасымалдаған үшінші танкер блокададан шықты.
Соғысқа дейін әлемдегі мұнай қорының шамамен бестен бірі өткен Ормуз бұғазы қақтығыс кезінде іс жүзінде жабылды. АҚШ Әскери-теңіз флоты Иран порттарын бұғаттады, ал Тегеран қарсылас деп санайтын елдермен байланысқан кемелерге соққы жасады, салдарынан жүздеген кеме тұрып қалды және энергия тасымалдаушыларының әлемдік ағыны бұзылды.
Айта кетейік, 15 маусымның түнінде Иран, Пәкістан және АҚШ Вашингтон мен Тегеран арасындағы бейбітшілік келісімі туралы келісімге келгенін жариялады. Тараптар Ливанды қоса алғанда, барлық аумақтарда соғыс қимылдарын дереу және біржола тоқтатуға келісті.
Кейінірек Иран АҚШ-пен 14 тармақтан тұратын өзара түсіністік туралы меморандум жобасын жариялады.
Трамптың Тегеранмен келісім туралы және Ормуз бұғазының ашылуы туралы мәлімдемесінен кейін әлемдік мұнай бағасы төмендеді.
