ІРv4 хаттамасының ІР адрестері АҚШ пен Еуропа елдерінде биылғы жылы аяқталады - Питер Кирштайн
АЛМАТЫ. 20 шілде. ҚазАқпарат /Ерлік Ержанұлы/ - Қарқынды дамып келе жатқан ғаламтор желісінің мүмкіндігін толық пайдалану үшін ондағы өзгерістерден тыс қалуға болмайды.
Бұл туралы бүгін Алматыда өтіп жатқан "IРv6 хаттамасына көшу" тренингінде айтылды.
"IРv4 хаттамасының ІР адрестері шектеулі. Қазақстан Азия-Тынық мұхит аймағына жатады. Онда қазір соңғы адрестер блогы қалды. АҚШ пен Еуропа елдерінде ол биылғы жылы аяқталады. Енді қандай да бір ұйым өтініш берсе, оған 1 мыңға дейін ғана ІР адрес беріледі. Мәселен, Қытай 2 ай бұрын қосымша 32 миллион ІР адрес алған еді", - дейді бүкіләлемдік ғаламторды құрушылардың бірі саналатын профессор Питер Кирштайн.
Оның айтуынша, енді "Қазақтелеком" АҚ өтініш берсе, 1 мың ғана ІР адрес ала алады. Жаңа технологияға көшу үшін мемлекет тарапынан үлкен қолдау қажет. Мысалы, АҚШ оған дайындықты 5 жыл бұрын бастады. Онда мемлекеттік сатып алу кезінде ақпараттық коммуникациялық технологиялардың IРv6 хаттамасы стандартына сәйкестігі ескерілді.
