Испания 2026 жылы қорғаныс шығындарын ЖІӨ-нің екі пайызы деңгейінде сақтайды
АСТАНА. KAZINFORM - Қорғаныс өнеркәсібі өкілдерімен өткен кездесуде сөйлеген сөзінде Валькарсе журналистерге соңғы жылдары қорғаныс бюджеті біртіндеп өсіп, 34 миллиард еуродан асқанын айтты, деп хабарлайды Euronews.
Оның сөзінше, Испания 2025 жылға қарай әскери шығындарды ЖІӨ-нің екі пайызына жеткізу жөніндегі мақсатқа қол жеткізген. Осылайша ел NATO бойынша серіктестері мен одақтастары алдында алған міндеттемелерін орындады.
Мемлекеттік хатшы инвестициялардың едәуір бөлігі қауіпсіздік пен қорғанысқа арналған өнеркәсіптік-технологиялық жоспар аясында ұлттық өнеркәсіптік және технологиялық базаны нығайтуға бағытталатынын да жеткізді.
Өз сөзінде Валькарсе Испания мен Еуропаның қорғаныс саясаты «сенімді тежеу» тұжырымдамасына негізделетінін атап өтті.
Оның пікірінше, мемлекеттер өз қауіпсіздігін қамтамасыз ететін жеткілікті әлеуетке ие болған жағдайда, қарсыласу қаупі төмендейді.
Бұған дейін АҚШ-та қорғаныс саясатына қатысты рекордтық 900 млрд доллар көлеміндегі заң жобасы әзірленіп жатқаны хабарланған болатын.
