Канвон-2024: Олимпиаданың соңғы күні жарыс жолына кімдер шығады

КАНВОН. KAZINFORM – Ертең, яғни 1 ақпан күні Оңтүстік Кореяның Канвон қаласында өтіп жатқан жасөспірімдер Олимпиадасы мәресіне жетеді. Соңғы жарыс күні қазақстандық спортшылар шаңғы жарысынан сынға түседі.

Канвон-2024
Фото: olympics.com

Аталған бәсекеде ел намысын Берік Боранбаев, Аубәкір Тотанов, Виолетта Митропольская мен Милана Мамедова квартеті қорғайды

Аралас командалық эстафета жарысы Астана уақытымен сағат 08:00-де басталады.

Қазір Қазақстан делегациясы 1 алтын, 2 қола медальмен жалпы есепте 19-сатыда тұр. Елімізге алғашқы алтынды Илья Мизерных сыйласа, Полина Омельчук (шорт-трек) пен хоккейден Ұлттық құрама қола медаль жеңіп алды.

Айта кетейік, Оңтүстік Кореядағы жасөспірімдер Олимпиадасында Қазақстан намысын спорттың 5 түрінен 10 дисциплина бойынша 41 спортшы қорғап жатыр.

Канвонда қысқы жасөспірімдер Олимпиадасының алауы 19 қаңтар күні тұтанған болатын.
Жарыс 1 ақпанда мәресіне жетеді.

Соңғы жаңалықтар