Қарағанды облысында жаңа өрт сөндіру пункті ашылды
ҚАРАҒАНДЫ. KAZINFORM — «Ауыл құтқарушылары» ведомстволық бағдарламасы аясында Қарағанды облысы Ақтоғай ауданына қарасты Ақтас ауылында жаңа өрт сөндіру пункті ашылды.
Салтанатты ашылу рәсіміне аудан әкімінің орынбасары Руслан Кенжебеков, ТЖД бастығы Марғұлан Аманбаев, сондай-ақ ауыл тұрғындары мен жергілікті атқарушы орган өкілдері қатысты.
Өрт сөндіру пункті 500-ден астам халқы бар екі елді мекенге қызмет көрсетеді. Жаңа нысанда тәуліктік кезекшілікке қолайлы жағдай жасалған: душ, демалыс бөлмесі, ас үй және қызметтік бөлмелер қарастырылған.
Бұл жоба ауылдық жерлердегі өрт қауіпсіздігін арттыруға және төтенше жағдайларға жедел әрекет етуге бағытталған.
Айта кетейік, Қарағанды облысында жылыту маусымының басталу кестесі белгілі болды.
