Кәсіпқой бокс: Әлішер Әбдуәлім үндістандық қарсыласынан басым түсті
АСТАНА.KAZINFORM - Қазақстандық кәсіпқой боксшы Әлішер Әбдуәлім (3-0, 2 КО) кезекті жекпе-жегінде жеңіске жетті.
Отандасымыз Астанада өтіп жатқан «Battle of the Brave» кәсіпқой бокс кешінде шаршы алаңға шығып, Үндістан өкілі Ашиш Чаудхаримен (3-0, 0 КО) қолғап түйістірді.
Төрт раундқа созылған айқаста, отандасымыз айқын басымдылық танытып, бірауыздан төрешілердің шешімімен 40-36 есебімен жеңіске жетті. Осылайша, Әлішер кәсіпқой мансабында төртінші рет жеңіске жетсе, қарсыласы алғаш рет жеңіліс тапты.
Еске сала кетсек, Жәнібек Әлімханұлы 5 сәуір күні Астана қаласында кезекті жекпе-жегін өткізіп, чемпиондық белдіктерін қорғайды.
Осыған дейін хабарлағанымыздай, бокс кешінде Балауса Мұздыман, ағайынды Сабырхандар, Батыр Жүкембаев, Сұлтан Заурбек, Баходир Жалолов және Отабек Холматов қатарлы боксшылар шаршы алаңға шығады.
