«Қайрат» пен «Реал Мадрид» кездесуіне әлемдік БАҚ пікірі
АСТАНА.KAZINFORM - Халықаралық БАҚ УЕФА Чемпиондар лигасының топтық кезеңінде «Қайрат» пен «Реал Мадрид» кездесуін кеңінен талқылады. Килиан Мбаппенің хет-тригі мен испандық клубтың Қазақстанға алғашқы сапарының тарихи маңызына ерекше назар аударылды, деп хабарлайды Kazinform.
ESPN-нің хабарлауынша, Килиан Мбаппенің Чемпиондар лигасындағы төртінші хет-тригі Реалға дерби жеңілісінен кейін қалпына келуге көмектесті, бұл «Мадрид Атлетикодан» 5:2 есебімен жеңілгеннен кейінгі Алматыға алғашқы ұзақ сапар болды.
Reuters агенттігі «Реалдың» тез қалпына келгенін атап өтіп, Мбаппенің хет-трик жасағанын және «Реал» Чемпиондар лигасының дебютанттары «Қайратты» 5:0 есебімен жеңгенін хабарлады.
Испандық басылымдар француз шабуылшысының үлесін атап өтті.
Мarca спорт газеті шабуылшының жігерлі «Қайратқа» қарсы чемпиондар лигасындағы екінші жеңісін атап өтті.
Матчта шиеленісті сәттер көп болды. ESPN Валерий Громыко пенальти алған кездегі «Қайрат» жанкүйерлерінің мүмкіндікті мүлт жібермей іштен тына қалғанын атап өтті, бірақ артынша VAR шешімді өзгертті.
Мбаппенің өзі «Атлетико Мадридке» қарсы ойыннан кейінгі команданың жоғары ынтасын мойындады.
- Біз сенбі күні болған бұл ойынды ешқашан ұмытпауымыз керек... Менің міндетім - командаға матчтарда жеңіске жетуге көмектесу. Үш гол өте жақсы болды, бірақ мен одан да көп гол соға алар едім, - деді ол Movistar Plus басылымына берген сұхбатында.
🤤 La definición de @KMbappe... pic.twitter.com/D1z4wr9QhV
— Real Madrid C.F. (@realmadrid) September 30, 2025
Халықаралық комментаторлар үшін бұл матч «Реал Мадридтің» төзімділігін және «Қайраттың» дебюті арқасында Қазақстанның еуропалық футбол сахнасындағы өсіп келе жатқан рөлін көрсетті.
Бұған дейін «Қайрат» футбол клубының бас бапкері команданың Чемпиондар лигасы аясында Алматыдағы Орталық стадионда «Реалдан» жеңілгеніне қатысты пікірін білдірген болатын.
Мақаланың ағылшын тіліндегі түпнұсқасын мына жерден оқуға болады.
