Қазақстан Ираннан көкөніс пен жеміс-жидек импорттауға дайын - А.Исекешев

АСТАНА. ҚазАқпарат - Қазақстан Ираннан түрлі тауарларды, соның ішінде көкөніс пен жеміс-жидек импорттауға дайын. Бұл туралы бүгін Астанада Иран-Қазақстан үкіметаралық комиссиясының отырысында ҚР Инвестициялар және даму министрі Әсет Исекешев мәлім етті.

«Соңғы 5 жылда бізде көптеген жаңа өнімдер пайда болды, біз Иранмен сауданы күшейткіміз келеді. Дәстүрлі тауарлар ғана емес, сонымен қатар жаңа өнімдер бойынша барыс-келіс көбейгенді қалаймыз. Сонымен қатар Қазақстан Ираннан түрлі тауарларды, соның ішінде көкніс пен жеміс-жидек импорттауға дайын», - деді ол.

«Иранда, сондай-ақ медицина, ауыл шаруашылығы, нанотеxнологиялар саласында танымал теxнологиялар шығарылады. Бізге осы салада да сауданы дамыту қызықтырады», - деп түйді сөзін министр.