Қазақстан курорттарына шетелдік туристердің қызығушылығы артып келеді
АСТАНА. KAZINFORM — Қазақстанның курорттық аймақтарында 4,8 млн адам демалды. Бұл туралы Ұлттық статистика бюросы хабарлады.
2025 жылы Қазақстанның курорттық аймақтары 4,8 млн келушіге қызмет көрсеткен, бұл 2024 жылмен (4,3 млн келуші) салыстырғанда 11,5% көп. Туристердің 17,3% — резидент емес азаматтар.
— Ең көп келуші Алматы тау кластерінде тіркелді — 2,9 млн адам. Екінші орында — Щучинск-Бурабай курорт аймағы, мұнда орналастыру орындарында 463,1 мың адам тоқтаған. Үшінші орында — 370,1 мың келушісі бар Маңғыстау курорт аймағы, — делінген хабарлада.
Сондай-ақ үздік бестікке екі танымал курорт аймағы кірді — Балқаш туристік аймағы (182,9 мың адам) мен Жетісу облысындағы Алакөл курорт аймағы (149,1 мың адам).
2025 жылғы қаңтар-желтоқсан аралығында курорт аймақтарындағы орналастыру орындары 198,5 млрд теңгеге қызмет көрсеткен.
Жалпы Қазақстанның курорт аймақтарында демалушыларды орналастыратын 1856 орын тіркелген.
Айта кетелік Щучье-Бурабай курорттық аймағын дамытуға 137,2 млрд теңге жұмсалатыны туралы жазған едік.
