Қазақстан қырғыз еліне 2 мектеп салып береді
БІШКЕК. 22 тамыз. ҚазАқпарат - Қазақстан қырғыз еліне 2 мектеп салып береді. Бұл туралы бүгін Қазақстан мен Қырғызстан Жоғары мемлекетаралық кеңесінің үшінші отырысынан кейін Қырғызстан Президенті Алмазбек Атамбаев мәлім етті.
«Нұрсұлтан Әбішұлы екі мектептің құрылысына ақша бөлді. Бастапқыда бір мектеп жоспарланған еді. Енді 2 мектеп салынатын болды. Бірі елдің оңтүсігінде Ош қаласында болатын шығар, ал екіншісі Қырғызстанның солтүстігінде салынады», - деп атап өткен А.Атамбаев Елбасына осындай қолдау көмегі үшін зор алғысын білдірді.
Сонымен қатар Қырғызстан Президенті Елбасы Н.Назарбаевтың алғашқы мемлекеттік сапары екі ел арасындағы қарым-қатынастың, ынтымақтастықтың жаңа белесі болып табылатындығын баса айтты.
