Қазақстан Латвия ЖОО-ларында туризм индустриясы саласындағы қазақстандық кадрларды дайындауға дайын - Н.Назарбаев

АСТАНА. 3 маусым. ҚазАқпарат - Қазақстан Латвия жоғары оқу орындарында туризм индустриясы саласындағы қазақстандық кадрларды дайындауға дайын. Бүгін Ақордада елімізге ресми сапармен келген Латвия Республикасының Президенті Андрис Берзиньшпен кездескеннен кейінгі баспасөз мәслихатында Елбасы Нұрсұлтан Назарбаев осылай деді.

Мемлекет басшысының атап өтуінше, екі елдің арасында Үкіметаралық қоршаған ортаны қорғау саласындағы ынтымақтастық туралы келісім қабылданатын болады. Сонымен қатар Туризм саласында да келісімшартқа қол қойылмақ.

«Латвияның жоғары оқу орындарында туризм индустриясы саласындағы қазақстандық кадрларды дайындауға біз әр уақытта дайынбыз», - деді Елбасы.

ҚР Президентінің атап өтуінше, кездесу барысында көлік, ауыл шаруашылығы салаларындағы қарым-қатынастар, темір жол арқылы Латвияның порттарымен Балтық теңізіне шығу мәселесі, сондай-ақ Таяу және орта Шығыстағы, Ауғанстандағы ахуал жөнінде пікір алмасылған.